كشفت الفنانة حنان مطاوع عن أصعب الفترات التي مرت بها في حياتها، موضحة أنها تعرضت لأزمة صحية وإزالة الغدة الدرقية، وتشخيصها بصورة خاطئة.
وقال حنان مطاوع خلال لقائها مع برنامج “معكم” المذاع عبر قناة ON تقديم الإعلامية منى الشاذلي: “الحمد لله على كل شيء، أنا من حوالي 4 شهور ونص عملت عملية الغدة الدرقية، وقبل العملية حالتي اتشخصت حاجة خطيرة جدًا، والمصيبة إن اتشخيص مش من دكتور، والموضوع تضخم قبل ما نستشير الدكتور أو الجراح، ودخلنا في دوامة الوهم أنا وجوزي”.
حنان مطاوع دخلت في نفق مظلم
وأضافت: “ارتبكت جدًا لدرجة إني بدأت أعمل مسح ذري، والأعراض كانت ضيق تنفس ولما يجيلي دور برد زوري يتشرخ ويرجع بعد 4 شهور، ورقبتي بقت عريضة جدًا غير دلوقتي، لأنهم شالوا منها نصف كيلو تقريبًا، ولكن كتير قالولي إنتي عندك غدة درقية، وأنا كنت بعمل تحليل وظائف وتطلع كويسة، واللي عملوا السونار دخلوني في نفق مظلم ووهم”.
وتابعت حنان مطاوع: “أنا بقيت مش شايفة حاجة في الدنيا غير بنتي أماليا، ومرتبكة جدًا، أمير جوزي عمل معايا نفس المشهد بتاعي مع هند صبري في مسلسل حلاوة الدنيا، وطلع من غرفة الكشف كلم كل الدكاترة في العيلة، وبعت لهم صورة السونار وسألهم يعمل إي، ودخل عندي وشه أزرق وفهمت من أداؤه إني مش كويسة”.
حنان مطاوع قبل ما ادخل العمليات كتبت وصيتي
وكشفت الفنانة حنان مطاوع أنها كتبت وصيتها قبل دخولها في غرفة العمليات قائلة: “أنا كاتبة وصيتي من وأنا صغيرة زي ما وصانا الرسول صلى الله عليه وسلم، دلوقتي اتجوزت وعندي بنت، وقبل ما أدخل العماليات كتبت وصيتي”.
للمزيد من الأخبار تابعنا عبر صفحتنا على فيس بوك من هنا.
