أعربت الفنانة علا غانم، عن تطورات خلافها مع طليقها رجل الأعمال عبد العزيز حسن، موضحة أنها بدأت اتخاذ أولى خطواتها في استرجاع منزلها.
وقالت علا غانم خلال لقائها مع برنامج “الراديو بيضحك” من تقديم فاطمة مصطفى عبر إذاعة “الراديو بيضحك”: “أنا كممثلة حساسة جدًا فيما يخص السوشيال ميديا، وحريصة أن الجمهور ميشوفش غير كل حاجة حلوة، ومبحبش أوصل للجمهور مشاكل لأن كل واحد عنده مشاكله، فبحب لما أطلع لجمهوري يكون في أخبار سعيدة”.
وأضافت علا غانم: “بأختصار كل اللي أقدر أقوله إني يمر بمرحلة مش حلوة ابدًا ومحاطة بأكاذيب، وفيلم غريب وكل المشاكل اللي عندي دخلت للقضاء وواخدة خطوات في سكة سليمة، وثقتي في القضاء ونزاهة قضاء بلدي ثقة عمياء، ولكن الوقت طويل شوية، بس الحمد لله خدت من حوالي أسبوع أولى خطواتي في استرداد ببتي”.
وتابعت: “كل حاجة سُلبت مني بشكل مجرم هترجعلي ومفيش حد مش هيتحاسب على حاجة غلط عملها، وأنا مقدرش أعرف حاجة اسمها انهيار وفشل ويأس، دي كلمات بتخليني أقول لنفسي لازم تقفي حتى لو هقع بعدين، بس كل حاجة لازم ترجعلي زي ما كانت وربنا مبيرضاش بالظلم”.
آخر أعمال علا غانم
يعرض حاليًا للفنانة علا غانم في السينمات فيلم “أولاد حريم كريم”، ويشارك في بطولته مصطفى قمر، عمرو عبد الجليل، بسمة، بشرى، داليا البحيري، تيام مصطفى قمر، رنا رئيس، خالد سرحان، هنا داود، يوسف عمر، كريم كريم، من تأليف زينب عزيز، وإخراج علي إدريس.
للمزيد من الأخبار تابعنا عبر صفحتنا على فيس بوك من هنا.
