تحدث الفنان إسماعيل فرغلي عن نشأته في أسرة متوسطة، بمجتمع شرقي، مؤكدًا أنه تربى على العادات والتقاليد، والقدرة على التفريق بين الحلال والحرام.
إسماعيل فرغلي ضيف برنامج “كلام ما بينا”
وحل الفنان إسماعيل فرغلي ضيفًا على برنامج “كلام ما بينا”، المذاع عبر شبكة قنوات صدى البلد، وتقدمه الإعلامية “مي البحيري”، وخلال اللقاء كشف “فرغلي” عن عدة تفاصيل عن حياته الشخصية والفنية.
وقال “إسماعيل فرغلي” خلال تواجده في برنامج “كلام ما بينا”: “قلت قبل كده إن حياتي ينفع تتعمل فيلم، لأننا شوفنا الموت والقسوة والحرمان، وكرم ربنا، ودا إللي شكل شخصيتي كفنان”.
تفاصيل في حياة الفنان إسماعيل فرغلي
وتابع مؤكدًا على تقديس حُرمة بيته، وحرصه على تربية أولاده على أصول الدين، وقال: “اتولدت في أسرة متوسطة، وعشنا حياة وسط مجتمع شرقي، وتعلمت الحلال والحرام، والعيب والصواب بالفطرة، ودا إللي علمته لأبنائي”.
واستكمل: “الحمد لله كل بناتي محجبات، ويصلون كل صلاة في وقتها، بنتي قالتي شكرا يا بابا إنك علمتني الصلاة، علمت أولادي إننا نصلي عشان نشكر ربنا على نعمه، مش عشان خايفين من عذاب القبر”.
وأضاف: “البيت جامع بالنسبة لي، إحنا اتربينا على إن لو أنا مش موجود في البيت، أخويا ميدخلش، زي ما قال الدكتور مصطفى محمود الدنيا ساعة، وعشان أشوف ولادي في الجنة والحياة الأبدية، لازم أخليهم يصلوا وأنا وهما نتقي ربنا”.
